Zerbait lapurtzeko benetako ausardia behar da. Horixe bera izan zuen Tarragonako emakume batek zapata-pare bi lapurtu zituenean, baina horretarako bi egun ezberdin behar izan zituen.

Emakumeak oin berdineko bi zapata ostu zituen eta beste aldeko oinetakoak behar zituela ikusita, zapata-dendara bueltatu zen geratzen zitzaizkion bi zapatak eskuratzeko.

Baina, zapata-dendako arduraduna lapurretaz konturatu zen eta Udaltzaingoari deitu zion emakume batek bi zapata lapurtu zituela salatzeko. Dendariaren esanetan, lapurrak bi oinetakoak arropen artean ezkutatu zituen eta dendatik ihes egin zuen.

Jarraian, dendariak frogatu ahal izan zuen lapurtutako zapatak oin berekoak zirela, baina estilo ezberdinetakoak. Horrexegatik, ostutako oinetakoak egun batzuk lehenago lapurtuak izan ziren beste bi zapaten pareak zirela konturatu zen dendaren arduraduna; izan ere, zapata berdinak ziren baina beste oinekoak.

Edozelan ere, Polizia ikertzen ari da bi lapurreta bitxi hauen artean lotura dagoen ala ez.
Ustezko lapurra atxilotuta dago.