Bakardadeak min handia egiten du. Bestela gal diezaiotela Takahiro Fujinuma Japoniako 37 urteko langabeari. Bakarrik sentitzen zela eta, "distraitzearren", Japongo telefono konpainia baten informazio zerbitzua blokeatu zuen, etengabe deitzen baitzuen.

Lasai asko, 2.600 dei egin zituen, 2007ko ekainetik azarora, 104 telefono zenbakira (Nippon Telegraph and Telephone (NTT) konpainiaren informazio zerbitzua).

Antza, bazekien deiak doakoak zirela (konpainiak telefono zenbaki bat jakinarazten duenetan bakarrik kobratzen du) eta, hala, elkarrizketa emateko eta ez eskegitzeko eskatzen zien telefonistei. Langileek zain egoteko eskatzen zioten, ahalik eta edukazio onenarekin, azaldu du Poliziak. Dena dela, behin eta berriz deitzen zuenez, NTTren langileak kokoteraino zituen.

"Ezkongai nago eta bakarrik sentitzen nintzen, distraitzeko egin nuen", agertu die atxilotzera joan zaizkien agenteei.