Mundua txikia dela diote, baina Tran Thi Kham Vietnamgo emakume honi gertatutakoa sinesgaitza da.

Taiwanen hazi zen emakumea, haren aita nor zen jakin gabe eta ama barik (bera jaio eta gutxira zendu zen). Hil baino lehen, baina, aitarenak ziren bi objektu utzi zizkion amak Thi Kham txikiari: urrezko eraztun bat eta gaztetako argazki bat.

40 urte zituela, hiria utzi eta lan bila atera zen Thi Kham eta, bide batez, aita topatzeko esperantzan. Tsai Han-chao izeneko gizon baten etxean, Kinmen Uhartean, lan egin zuen aurrena, oso gaixorik zegoen emaztea zaintzen. Hura zendu zenean, beste toki batera joan zen Thi Kham lan egitera baina haren gauzak, tartean eraztuna eta argazkia, Tsai Han-chaoren etxean utzi zituen.

Gizonak topatu zituen Thi Khamek ahaztutakoak eta, haren harridurarako, bereak izan ziren eraztuna eta argazkia deskubritu. Hasierako ezustea igarota, DNA frogak egin zituzten eta biak aita-alabak zirela baieztatu zuten. Gizona, jakin gabe, bere alabaren nagusia izan zen!