Echo Pharmaceuticals izeneko laborategi holandarra marihuanaz osatutako pilula bat prestatzen ari da. Bere helburua da bost urteko epean mundu mailan merkaturatzen hastea.

Botika mota hauek oso bitxiak dira; izan ere, zenbait gaixotasunen sendaketarako oso baliagarriak dira. Hala nola, marihuanazko pilula Parkinson, esklerosi anizkoitza eta migrainak tratatzeko eraginkorra izan daiteke, baita Alzheimerreko gaixoentzako lagungarria da ere.

Laborategiak baieztatu duenez, denbora gutxi barru hasiko dituzte pilularen ikerketa klinikoak eta saiakuntzak. Bide horretan, 2008ko lehenengo zatian pilula saltzen hasiko dira, Namisol izenarekin.

Hala ere, sendagai mota hauek ez dira berriak Holandan, kafetegietan marihuana saldu dezaketelako. Horrez gain, 2003tik aurrera Holanda marihuana merkaturatu duen lehenbiziko herrialdea da. Bertan, botika hau erabiltzen dute minbizia, IHESa eta esklerosi anizkoitza pairatzen dituzten pertsonengan, min kronikoari, goragaleei eta janguraren galerari aurre egin diezaieten.