Gironako udaltzainek ausartegi eta arau-hauste ugari eginez gidatzen ari zen mutil bat identifikatu ahal izan du, bere arau-hausteak YouTuben daudelako, bideoz grabatuta.

Duela egun batzuk, herritar batek mezu elektronikoa igorri zion Poliziari, YouTuben ausartegi gidatzen ari zen pertsona baten bideoa ikusi zuela ohartarazteko. Mezuan bideoaren helbidea ere gaineratu zuen.

Herritarrak lagun hori idenfifikatzeko eta zigortzeko eskatu zien agenteei, beste gidarien biziak arriskuan jarri zituelako.

Poliziek bideoa ikusi zuten, eta herritarrak arrazoia zuela egiaztatu zuten: bideoan Peugeot 206 bat agertzen da, zirkulazio arau-hauste ugari egiten.

Bideo horretan, baina, ezin zen autoaren matrikula ikusi. Hori dela eta, gidariaren bideo gehiago ikusten egon ziren.

Azkenean ibilgailuaren matrikula ikusi eta gidaria identifikatu ahal izan zuten. Sant Gregoriko 20 urteko mutil bat zen ‘gidari ausarta’.

Informazio hori guztia eskuan, agenteek ausartegi gidatzea egotzi zioten gazteari.

Ikusi bideoa eitb24.com-en.