Antza denez, 2007ko urri amaieran eta azaro hasieran garatu zen "Piraña Operaziokoa" zen paketea, eta bi hilabete egin ditu itsasoan gora eta behera.

 

Atzo arratsaldeko lehen orduan, Bouzas hondartzatik paseoan zebilen herritar batek Polizia Nazionalari deitu zion, "pakete susmagarri" bat aurkitu zuela esanez.

Erretiratu eta aztertu ondoren, 20 kilo kokaina zirela ikusi zuten poliziek, duela bi hilabete amaitu zen operazio batekoak, hain zuzen ere.

Operazio horretan 12 lagun atxilotu zituzten Bueu eta O Groven (Pontevedra) eta 4.500 kilo kokaina atzeman zituzten, horiek garraiatzeko erabiltzen zituen bi ontzirekin batera, baina ikusten denez, kantitateren bat itsasoan galdu zen eta orain, Galizia astintzen ari den denborale indartsuak, olatuak mugiaraztean, "galdutako" agertzen ari da.