AEBetako presidentearen alaba Jenna Bush Perun izan da azken egunotan, Machu Picchu eta hainbat nekazari komunitate bisitatuz. Herrialdea utzi behar zuenean esaldi horrekin agurtu zuen herritar batek.

 

Bushen alaba larunbatean iritsi zen Perura, Nazio Batuen Haurtzarorako Fondorako lankidetzaren baitan (Unicef).

26 urteko gaztea segurtasun neurri zorrotzekin zainduta ibili da azken egun hauetan bai Machu Pichura bai nekazari komunitateetara egin dituen bisitetan baina horrek ez du eragotzi, atzo, asteartea, Cuzcoko aireportuan bere hegazkinaren zain zegoela, bertan zen pertsona batek "Gora Fidel!" oihuarekin agurtzea.

Peruko berri agentzia ofizialak jakinarazi duenez, herrialde hartan 10:15 zirenean gertatu zen hori, baina ez dute azaldu zein izan zen AEBetako presidentearen alabaren erreakzioa.