Britney Spearsen bizitzak okerrera egiten du egunetik egunera. Musika kritikarien jomugan egotera ohituta irudi eta jazoera benetan bitxiak utzi dizkigu azken hilabeteotan. Haren aurkariek, baina, ez dute etsi eta Pop-aren Erregina izan zenaren aurkako azken erasoa jo dute, oraingoan Internet bidez.

AEBetako webgune batek gustu txarreko lehiaketa bat jarri dute abian. Spears hil egingo den eguna eta ordua asmatzen duenari PlayStation 3 bat oparituko diote.

Ekimen berezi honen sustatzaileek Spearsen zentze eguna zehaztu duten 5.000 erabiltzaile baino gehiago erakarri dituzte jadanik.

"Denok dakigu egunen batean gure sortzailearekin hitzordua izango dugula, baina Amy Winehouse bezala, badirudi Britney Spearsek ezin duela itxaron", diote aipatu webgunean.

"Duela pare bat urte gizon ororen ametsa zen, baina orain bere burua kaltetzen ari da. Asma ezazu noiz emango duen azken arnasa eta irabazi", esaten dute abeslariaren azken eguna zehazteko lehiaketa abiatu duten webgunean.