Jaio bezain pronto banandu zituzten biki britainiarrak ezkondu egin ziren, eta ezkontza baliogabetu egin du orain Londreseko Auzitegi Gorenak.

Urteak igaro ondoren, bikiak nola maitemindu ziren ez da jakitera eman, Evening Stardard arratsaldeko egunkariak azaldu bezala. Bikien nortasuna ere ez da ezagutzera eman.

Familia ezberdinek adoptatu zuten bikietako bakoitza eta gurasoek ez zieten anai zein arrebaren berri eman.

Bikotea behin ezkonduta ohartu zen egoeraz. Kasu bitxi hori ezagutu zuen Lord Altonen hitzetan, "guraso biologikoen nortasuna ezagutzeko eskubidea dute seme-alabek".

Gobernuak nahi duen bezala, ernalketa artifiziala jasotzeko legeak biguntzen badira eta seme-alabei guraso biologikoen nortasuna ezagutzea ekiditen jarraitzen bazaie, horrelako kasu gehiago agertuko direla aurreikusi du Altonek.

Aurrerantzean, sexu bereko bikoteei zein emakume ezkongabeei ernalketa tratamendurik ez jasotzea ekiditea ezinezko izango dute amatasun-klinikek, lege proposamen berriarekin.