Bi gizon atxilotu dituzte New Yorken ordainketa-bulego batera hilotz batekin bertaratzeagatik. Atxilotuek hildakoaren Gizarte Segurantzako txeke bat kobratzeko asmoa zuten.

David Dalaiak eta James O’Harek, 65 urtekoak, Virgilio Cintronen (66 urte) gorpua gurpildun aulki batean eseri zuten eta Manhattaneko ordainketa-bulego batera eraman zuten bere 355 dolarretako txekea kobratzeko.

Behin bulegora ailegatzean, atxilotuek hildakoa kanpoan utzi zuten eta barrura sartu ziren diruaren eske. Bitartean, langelaren kanpoaldean, gorpuaren inguruan, jende mordoa biltzen hasi zen.

Baina kasualitatez, zerbitzuz kanpo zegoen polizia bat egoeraz ohartu zen eta patruila bati gertatutakoa ohartarazi zion, gertakari makabro horren erantzuleak atxilotuak izateko.