59 urteko austriar bat atxilotu du Poliziak gaixotasunak eta gaitzak pairatzen zituenaren plantak egiteagatik. Bere helburua doako ohea eta janaria lortzea zen. Horretarako, 21 urte langabezian daramatzan atxilotuak pentsatu zuen sintoma arraroak zituzten gaixotasunak asmatzea zela dirua aurrezteko modurik hoberena.

Pasa den igandean atxilotu zuten arte, austriar honek gutxienez 93 ospitaletik igaro da. Iruzur hauek, bestalde, osasun-zerbitzuentzako 10.000 eurotako gastua suposatu dute.

Gizonak larrialdietarako zerbitzuetara deitu zuen igandean, jausi egin zela eta hezur-haustura gogor bat zuela ziurtatuz. Ospitalera heltzean, medikuek ez zioten kolpe baten inolako aztarnarik aurkitu. Arrazoi horrengatik eta gaixoak egindako adierazpen kontrajarriak zirela eta, medikuek poliziari gertatutakoa jakinarazi zioten. Agenteek egindako lehendabiziko galderen ostean, gizonak zenbait gaixotasun asmatu izana aitortu zuen.

Bide horretan, agenteek austriarraren azkeneko bi urteetako medikuntza-historia luzearekin topo egin zuten. Hau da hau gizon honek pairatzen duen ‘cuentitis’a!