Paro foka kume baten itxura duen robota da eta errekorren Guiness Liburuan sartu da munduko robot terapeutikoena izateagatik. Zenbait ikerketetan frogatu denez, Parok ahalmen sendagarri handia du eta estresari eta depresioari aurre egiteko lagungarria da.

Paro robota, adinekoen zainketarako diseinatuta, azal artifizialez estalita dago eta 57 zentimetro neurtzen ditu. Parok modu askotan erantzuten du eta laztan eginez gero oso maitekorra da.

Foka itxurazko robot honek 2,7 kilo pisatzen ditu eta burua eta hegalak mugitzeko gai da. Horrez gain, foka kumeen soinuak erreproduzitzen ditu.

Duela hiru urte komertzializatzen hasi zenetik, asko izan dira robot bitxi honen onurak frogatu dituzten lagunak, gehienak bakarrik bizi diren adineko pertsonak direlarik.

Halaber, Phie Ambo izeneko zinema zuzendari daniarrak dokumental batean azaldu duenez, zenbait gaixok sendagai gutxiago hartzen dituzte Paro robotari esker.