Baten bat ikusteko aukera izango zenuen, eta harrituta, baldosa txikiez egindako estralurtar itxurako mosaiko horiek zer arraio diren galdetuko zenion zeure buruari.

Bada, jakizu, Bilbo hartzen hasi direla. Bada bat Cantalojas zubian, beste bat Areatzan (ibai ertzean) eta beste bat Iturribiden, baina 40 inguru daude.

"Space Invaders" ezizenez (anonimatuan egon nahi du) ezagutzen den Parisko artistaren lana da, izatez. Bilbao Arte Fundazioak antolatuta "Percepción Stencible" erakusketa izango da Bilbon eta horren barruan dago ekimen bitxi hau.

Erakusketa urtarrilaren 25ean hasiko da baina, Space Invaders hasi da bere mosaikoak nonahi jartzen. Munduko hiririk garrantzitsuenak Space Invaders bideojoko ezagunaren estralurtarrez josi nahi ditu artistak eta horretarako baldosez egindako mosaikoak paratzen ditu han eta hemen.

Bilbon ez ezik, munduko beste hainbat tokitan ikus daitezke estralurtar hauek. Hala nola, Frantziako hiri eta herri askotan (Paris, Montpelier, Grenoble…), Londresen, Bartzelonan, Amsterdamen, New Yorken, Los Angelesen, Australian, Bangkoken eta Vienan.

Halaber, arte-galeria ezagunetan egon da bere lana ikusgai. Azkenak Kolonia (Alemania) eta New Castle (Erresuma Batua) eta, urtarrilaren 25etik aurrera… Bilbon.