Robbie Maddisono australiarrak munduko errekorra ondu du Urtezahar-gauan, Las Vegasen (AEB).

Moto-kroseko gidari ospetsua Ginness Liburuan sartu da 98,3234 metroko jauzia eginda, hots, futbol-zelaia baten luzera, gutxi gorabehera. Aurreko marka 84,4296 metrokoa zen.

Ekitaldia Red Bull Experiment enpresak antolaturiko ekitaldia izan zen, eta, horretan, munduko kirolaririk onenak biltzen dira kirol-markak hausteko.

Estatu Batuetako ESPN telebista-kateak eskaini zuen zuzenean, 2008 urte berriari ongi etorria eman baino lehen. Las Vegaseko Times Square Kasinoan egin zuten eta Maddisonek errekorra ondu zuen Honda CR500 motorrarekin.

“Futbol-zelai bat jauztera etorri naiz", adierazi zuen Maddisonek. “Egoera ez zen egokiena, baina pozarren nago lortutakoarekin. Atzo lan-saioetan 108 metroko marka egin nuen baina banekien 109 metrokoa egin ahal nuela. Egin ahal izan dudan guztia egin dut, baina haizea oztopo bat izan da. Baina, Red Bull Experimenteko ekitaldia da, eta, beraz, ez genekien emaitza zein izango zen".