British Airways hegazkin konpainiak hegaldi bat bertan behera utzi behar izan zuen joan den ostiralean tripulazioa hotelean mozkortzen ari zela jakin zutelako. Poliziari anonimo batek deitu omen zion Manchester-New York hegaldiko tripulazioa mozkortzen ari zela abisatuz.

Konpainiak baieztatu egin du gaur gertakaria, baina garbi utzi nahi izan du mozkortzen ari zena pertsona bakar bat zela eta ez zela pilotua.

Hegaldi Zibilen Autoritateak gomendatzen duenaren arabera, hegaldietako tripulazioak ezin du alkoholik edan hegan egin baino zortzi ordu lehenagotik aurrera.

Manchesterreko Poliziak 04:15ean jakin zuen tripulazioaren mozkorkeriaren berri, hau da, hegaldia izan baino ia sei ordu lehenago.