DKT izeneko erakunde estatubatuarrak kafe zaporea duten kondoiak merkaturatu ditu Etiopian.

Hiesaren aurkako borrokan, ekimena positibo bezala haru dute, horrela erabiltzaile askotara iristea espero baita.

Kafearen jatorria Kafako eskualdean kokatzen dute, Etiopiako hego-mendebaldean. Brasil edo Kolonbiako kafearen ospea ez du bereganatu etiopiarrak, baina kalitate handikoa da eta Illy zein Starbucks bezalako enpresek euren kafea egiteko erabiltzen dute.

Andrew Piller Etiopiako DKTren zuzendariak ez du Cofffe Sensation kondoia Etiopiako kafea erbestean sustatzeko saiakera bat bezala ikusten, kafe asko kontsumitzen duen gizarte bati egindako keinu bat bezala baizik.

Produktua prestatzeko 25 edo 30 lurrin ezberdin aztertu zituztela esan du aditu batek.

DKTek Txinan arto gozo zaporezko kondoiak produzitzen ditu eta laranja edo masustazkoak Mexikon, besteak beste.

Hayat Ahmed 2003. urteko Miss Etiopia eta Miss Afrika kondoi berri horien aurpegi publizitarioa bilakatu da. Preserbatiboak birr bateko (eurotan, 7 zentimo) prezioan saltzen dira hiruko kaxatan.

Kafe zaporeko kondoi berriak merkatuan arrakasta izatea espero dute.