Lehen txakur argiketari edo elektrizistak Rex du izena, eta lur azpiko matxura elektrikoak atzematen ditu. Hala, Chilectra Txileko enpresa elektriko handieneko "izarra" bihurtu da.

Urtebete Carabineroekin (polizia militarra) entrenatu ostean, artzai txakurrak kableen estalkiak kiskaltzean igortzen duten usaina atzematen du eta horrela ehuneko 55 jaitsi da matxurak detektatzeko behar duten denbora.

Langile bati otu zitzaion txakurrari erretzen diren kableak usaintzen irakastea, txakurren heziketari buruzko dokumental bat ikusi zuenean.

Txakurrari sari bat ematen zaio kaltetuta dagoen kable bat aurkitzen duen bakoitzean, hala, txakurra bila eta bila aritzen da.

Langileek Rexek sudurrarekin esaten duen tokian zuloa egiten dute, txakurrak saria (janaria) jasotzen duen bitartean. Gainera, ehuneko 90ean asmatzen duela jakinda, langileek ez dute alperrik zulorik egiten.