Arazo benetan larria dute Txinan euliekin. Beroaren ondorioz, sekulako euli izurritea dute Xigong barrutian eta Udalari neurri xelebrea otu zaio arazoari aurre egiteko. Dirua eman harrapatutako euli bakoitzeko.

0,5 yuan (zazpi dolar zentabo) ematen diete herritarrei akabatutako euli bakoitzaren truke. Bizilagunek udalera eraman behar dituzte hildako euliak, bertako langileek banan-banan zenbatu eta euli bakoitzarengatik zazpi zentabo ematen diete. Hortaz, euli mordoska bat behar da dolar bat eskuratzeko.
 

Ekimenak berehalako arrakasta izan du eta indarrean jarri zenetik sekulako ilarak daude udaletxe aurrean; ehiztari asko omen daude Xigong barrutian. ..

Dena dela, ahots kritiko batzuk ere entzun dira, bizilagun batzuen arabera, jendea nahita ari da orain hiria zikintzen, euliak ugaltzea nahi dute ahalik eta diru gehien lortzeko.