Floridan, mozkortuta gidatzeagatik neskato bat atxilotu du Poliziak. Ez dirudi albiste bitxia denik ezta? Bada, neskato horrek hamaika urte besterik ez zituen eta orduko 160 kilometrotara zihoan.

Norbaitek Alabamako kostaldeko Poliziari deitu zion bateren bat auto batean azkarregi zihoala esateko.

Chevy Monte Carlo markako autoaren atzetik hasi eta autoa gero eta azkarrago ibili zen istripu txiki bat izan zuen arte.

Ikustekoa izango zen polizia autora gerturatu eta gidaria 11 urteko neskatxa bat zela ikusi zuenean. Mozkortuta zegoela konturatu zenean are harrituago geratuko zen.

Bere lankideek, behintzat, poliziaren harridura-aurpegia ikusteko aukera izan dute, kamera batek guztia grabatu baitzuen.

Orain haurrak edaria nondik atera zuen ikertzen ari da Polizia.