Lau hilabete iraungo du eraikuntza lanak. Turisten joan-etorriak erraztea eta mendizaleak munduko gailur altuenetik gertuago egotea da helburu nagusia.

Datorren hastean hasiko dira txinatarrak autobidea eraikitzen Everest mendian, Tibeten, olinpiadetako zuziaren eta turisten joan-etorriak errazteko helburuarekin, Xinhua albiste-agentzia ofizialak jakitera eman duenez. 

19,7 milioi dolarreko (14,6 milioi euro) aurrekonturekin, errepidea 5.200 metroko garaierara iritsiko da eta Everesten magala Qomolangma (Everest tibeteraz) kanpamentu nagusiarekin lotuko du. Errepide berriak, egun Tingri (Tibeteko Xigaze prefekturan) eta Everesten magala lotzen dituen eta oso hondatua dagoen 108 kilometroko errepidea ordezkatuko du. Lau hilabete iraungo du eraikuntza lanak. Turisten joan-etorriak eta mendizaleak munduko gailur altuenetik gertuago egotea da helburu nagusia.  

2008ko Pekingo Joko Olinpikoetako antolatzaileek argibideak eman dituzte zuziaren errelebuaren inguruan eta adierazi dutenez, 137.000 kilometroko ibilbidea egingo dute bost kontinenteetan zehar. 130 egun iraungo du errelebuak eta Everestetik pasatzen ere saiatuko dira.