Erleak desagertzen ari dira eta adituek diotenez, galerak ingurumenari ekarriko dizkion kalteak zenbatezinak dira.

Baliteke desagertze berezi horren erantzuleetako bat Mick Jagger izatea.

Rolling Stoneseko liderrak erleen eztenkadak erabili izan ditu behin baino gehiagotan zakilaren tamaina handitzeko eta erekzio luze eta gozagarriak lortzeko, BBC irrati katean haren laguntzaile batek adierazi duenez.

Izan ere, rock abeslari ezagunak tamaina-konplexuak dauzkala dirudi. Janice Dickinson, 51 urteko supermodelo ohiak aipatu irratian esan zuenez, Jaggerren "anaia txikia" benetan txikia omen da eta Jaggerrek erleak erabili izan ditu zentimetro batzuk luzatzeko asmoz.

Iruzkin horien harira, Julien Temple kantari britainiarraren lagunak azalpenak eman zituen. Templeren arabera Dickinsonek kontatutakoa Perun gertatu zen 1981ean, Fitzcarraldo filmaren grabazioan. Amazonaseko ezkontza erritu batek agintzen dionari jarraituz, "buztana" banbu kainabera batean sartu eta erlez bete zuen. Erleen ziztadek zakila handitu eta sekulako mina eragin omen zioten zenbait egunez.