Gogoratuko duzue Tania Derveaux Belgikako Senaturako NEE (holandarrez "ez") protesta alderdiaren hautagaia, eta haren web-orrian boto truke egindako gonbidapena. Interneten bidez Taniari bozkatuko ziotela agindu zutenek hautagai berezi horrengandik felazio bat jasoko zutela esan zuen Cicciolina berri horrek. Ba astelehenean, agindutakoa bete zuen.

Baina ustezko truke erraz horretan sinistu zutenek harrituta gelditu behar izan ziren, euren botoaren truke jasoko zuten guztia YouTube plataforman jarritako bideo bat zela jakin ondoren.
 

Bideo horretan, neska japoniar bat agertzen da, felazio bat egiten ari denaren itxurak egiten, eta gainean, ohar batean, neska hori “laguntzailea” dela azaltzen du Taniak. Izan ere, felazio bat jasotzeko 100.000 eskaera jaso dituela dio.

Ez dugu bideo hori post honetan erantsiko, sentikorrak direnenganako errespetuagatik, baina ikusteko, YouTuben erregistratu beharra dagoela aurreratzen dizuegu.

Agian batzuentzat gustu txarreko broma izango da hau guztia. Eta txantxarekin jarraitzeko, George W. Bush (bazenekiten ‘W’ hori Walkerrena zela?) AEBetako presidenteari eta Condoleezza Rice Bushen Estatu idazkariari buruzko txisteak kontatzen doa, politika ez dela hain “gogorra” ziurtatuta.

Tania Derveauxek eta NEE alderdiak mundu mailako arrakasta mediatikoa lortu dute kanpaina probokatzaile honen bidez.