Kaixo danori. Bitxikerien blog honek ohiko formatuari agur esan dio. Konturatu izan al zaretenez azken egunetan ez dugu post berririk sartu toki honetan.

   (osorik irakurri)

Batzuk jada ohartuko zinateke, baina mudantza egiten ari gara!

Hemendik aurrera eitb.com-en "bitxikeriak" sailean aurkituko gaituzue.

Han itxaroten zaituztegu!  (osorik irakurri)

Salim, 25 urteko gazte bat, famatu egin da Djendelen, bere herrialdean, Arjel (Aljeria) hego-mendebaldean. Arjelkoa bildots bat, 50 katilukada zopa edo 35 oilasko jateko gai da.

Salim epaiketa baten ondoren egin zen ospetsu. Gaztea janari denda batean ibili zen lanean, eta nagusiak lau barazki- eta fruta-kutxa lapurtzea leporatu zion. Epaiketan, lapurreta ikusi zuten bi lekukok Salimek kutxetan zegoen guztia irentsi zuela baieztatu zuten.

   (osorik irakurri)

Fuzhouko agintariek, Txinako hego-ekialdeko hiria, eliza bat gurpilekin eta errailen gainean mugitzeko lanak hasi dituzte, errepide berri baterako lekua uzteko asmoz, Txinako Interneten bidezko Informazio Zentroak jakitera eman duenez.

Azken hilabeteotan, langileek eliza lurretik metro bat altxatzeko (katu hidraulikoekin), azpian errailak jartzeko eta hego-ekialderantz astiro mugitzen hasteko lanean izan dira. Abuztuaren 30ean hasi zituzten lanak.

   (osorik irakurri)

Sao Paulo Estatuko (Brasil) Ribeirao Pretoko Katedralak dirua batzeko sistema berri bat instalatu du jarraitzaileek hamarrenak eman ahal izateko: datorren astelehenetik aurrera egiten dituzten dohaintzak kreditu-txartela baten bidez egin ahal izango dituzte.

Sistema horrek, herrialdean dagoen bakarrak, hamarrenak ordaintzeko ez ezik, ospakizunen kuotak ere ordaintzeko balio izango du, esaterako, bataioak (21 dolar inguru) eta ezkontzak (110 dolar), Globo albiste-portalak jakinarazi duenez.

   (osorik irakurri)

Coca Colak espermatozoideak hiltzen dituela edota jendeak, kraska egin ezkero, patata frijitu kerratuak pozik jaten dituela aurkitu duten ikertzaileek IG Nobel sari alternatibo bana irabazi zuten atzo.

Nahaspilatu daitekeen edozer nahaspilatuko dela eta txakurren arkakusoek katuenenak baino altuago salto egiten dutela ikertu zutenek ere saria eraman dute etxera.

   (osorik irakurri)

Sei Obama, Malakias profeta, Bizarzuri eta beste ehunka ezizen bitxidun lagun Brasilgo udal hauteskundeetan lehiatuko dira. Hala ere, gehienek euren auzotar eta lagun artean azaltzeko aurkezten dituzte euren buruak zerrendetan.

Brasilgo 5.563 udaletan alkateak eta 52.137 zinegotzi hautatu beharko dituzte, eta horretarako 364.816 hautagai aurkeztu direla esan du Hauteskundeetarako Auzitegi Nagusiak.

   (osorik irakurri)

Txinako Hainan irlan (herrialdearen hegoaldean) dagoen Wenchang hirian ur azpiko hotela eraikiko dute 2015erako.

Eraikin berezi hori egiteko 200 milioiko inbertsioa egin beharko dute, Pekingo Joko Olinpikoetan egindako eraikuntzetarako behar izan zutenetik gertu ("Habia" estadioak 300 milioi euro balio zuen).

   (osorik irakurri)

Astoen jabeek aseguru-polizak kontratatzeko oztopo ugari aurkitzen dituzte Estatuan. Astoaren gainean paseoak eskaintzen dituzten enpresek arazoak dituzte aseguruak aurkitzeko eta horien koste altuek negozioaren errentagarritasuna kolokan jartzen dute. Nekazal turismoan gero eta arrakasta handiagoa izaten ari dira astoekin egindako ibilaldiak.

   (osorik irakurri)

Santiago Quintana Burlatako pastelgileak azukre kilo mordoa bildu ditu datorren larunbatera bitartean Santo Domingo udal merkatuan izango den erakusketa antolatu ahal izateko.

45 urte ditu Quintanak eta pastelgintza eta margogintza ditu gustoko. Bi zaletasun hauek azukrez eginiko koadro jangarriak ekoizteko batzen ditu.

Koadroa zurezko xafletan margozten du hasieran, eta ondoren osagaiak gehitzen dizkio: azukrea, arraultz zuringoa, limoia eta, koadroari kolorea emateko koloratzailea, alegia.

Bere lanerako erabiltzen dituen osagai guztiak jan daitezke. Koadroek ez dute arazorik ematen apurtzen badira edota “ume baten eskuetara ailegatzen badira”.

Quintana joan den urtean hasi zen koadro jangarri hauek egiten. Gehien baten Sanferminetan oinarritzen ditu bere margoak. Zezenak, kartel zaharrak edota San Fermin bera ikus daitezke bere obretan. Hala ere, pilota edota harrijasotzaileak ere margozten ditu noizean behin.  (osorik irakurri)