Bere garaian, nahiko temati ibili ginen albisteak non gertatu diren jarri behar dela esanez, nongoak garen jarri gabe. Grafikoki oso adierazgarria da.

Gaurtik aurrera, albisteak geolokalizatuko ditugu. Horrela, portadan sartzerakoan gaurkotasuna non dagoen ikusi ahal izango dugu, zer gertatu den eta maparen zein puntutan. Eta dena muxu truk ;)

Garrantzi handia izango du, logikoa den moduan, albisteak ahalik eta puntu zehatzenean kokatzea. Adibidez, gertakizuna zein auzotan gertatu den badakigu eta garrantzi informatiboa izatekotan, puntu zehatzean jartzea komeni da. Modu honetan, albisteak ez dira bata bestearen gainean jarriko eta lekuen araberako nabegazioa egin nahi duenaren bisita lagunduko dugu.

Hau ez da bide luzearen lehengo urratsa baino, hilabete osoan erabilgarritasun berriak igotzen ibiliko garelako. Animo aupalari guztiei,  zuek guri ere bidali dizkiguzuen animoengatik. Aupatu aurrera doa zuei esker.

Aupatu!