Astun ibili gara azken hilabetetan gure bigarren fase honekin eta batek baino gehiagok gogoa izango zuten hau irakurtzeko: Aupaturen bigarren fasea bukatutzat ematen dugu. Denbora honetan, erabilgarritasun berriak gehitu ditugu, zerbitzua interesgarriagoa egiten dutenak. Hori uste dugu behintzat. Hala ere, pixkanaka egindako aldaketak izan direnez, seguru ez zaretela aldatu den guztiaz jabetzen. Zenbaketa egingo dugu:

- Albisteak geolokalizatu daitezke. Orain albisteak maparen gainean jartzen ditugu, horrek ematen dituen lokalizazio eta zehaztasun aukerekin.
- Bilaketak behingoz erabilgarriak dira
- Portadan, Aupatzeke dagoenaren berri dugu. Noizean behin gainera, eta prezio berdinaren truke, Aupatu hobeto ezagutzeko baliagarriak diren mezuak agertzen dira.
- Tag hodei handiagoa. Euskadin xirimiria badago, hodei ederrak ditugulako da, Aupatuk ere horrela behar zuen.
- Portadan logeatzeko aukera. Ez dago denbora galtzerik eta horretarako jarri dizuegu logeatzeko aukera.
- Herrikako RSS jarioa. Askok zuen herriko albisteak eroso jarraitzeko eskaera egin zeniguten. RSS hauekin zuen eskaeran entzunak izan dira.
- Albistearen iturrirako esteka zuzena. Horrek esan nahi du titularrak zuzenean albistera doazela eta ez zeharkako helbideraketa batekin. SEOguru horri etekinen bat ateratzen diozuela.
- Erabiltzaileen argazkiak. Zein eder agertzen zareten batzuk.
- Bideoak albisteetan. Harremana duten bideoekin albisteak osatzeko aukera dago.
- Erabiltzaileen karma. Igo dugun azken gauza da eta nahiz eta batzuk dioten liatzeko egin dugula, Aupatu ahalik eta bidezkoena egiteko prestatu dugu.

Gainera, erabilgarritasun eta testu zenbait aldaketa egin ditugu. Momentuz hau da dena, baina seguru hemendik gutxira gahiago egingo dugu.

Betiko moduan: Aupatu!  (osorik irakurri)

Iruditxo edo abatar famatuaren erabileraren inguruan post bat egitea egokia deritzogu. Batzuk, publizitate edo propaganda moduan erabiltzen hasiak zarete zuen irudiak eta gogoratu nahi dizuegu hau ez dela erabilera zuzena. Abatar bat irudiaren atzean dagoen pertsonaren irudi adierazgarria da, eta ez dugu aldarrikapenetarako erabili behar.

Momentuz erabilera hau ez dago oso zabalduta, horregatik abisua egiten dugu orain, auzokideak egiten duela ikusteak imitatzeko gura ematen duelako.

Mesedez, eskatzen dizuegu zuen argazkia jartzen ez baduzue, adierazgarria den zerbait jartzea. Ez erabili arren iruditxoa gauza politikoetarako eta aurkakotasuna sortu dezaketen beste gauzetarako.

Mila esker eskakizun hau kontutan izateagatik. Aupa Tu!  (osorik irakurri)

Saiatuko gara post honetan, ahalik eta argien izaten. Batez ere post oso garrantzitsua delako irakurtzen ari zaren hau. Hemendik aurrera zuen Aupalari karma kalkulatzeko kontuan izango ditugun gauzak dira hauek. Izan ere, orain berdin kalkulatuko da baina beste irizpide batzuk jarraituz.

Karmak behera egiteko kontuak:

-Bidalitako eta publikatutako albisteen arteko harremana.
-24 ordu pasa aurretik publikatuak izan ez diren albisteei emandako boto positiboak.
-Deskartatuak izan ez diren albisteei emandako boto negatiboak, 6 ordu pasata eta 30 pasa aurretik.
-Bost egun boto eman gabe egotea.
-Minutu batean hiru albisteei boto negatiboak ematea.
-Zure iruzkinek jasotzen dituzten boto negatiboak.

Baina ez da guztia txarra izango, badaude gauza onak eta:

-Zure albisteak jasotako boto positiboak.
-Publikatuak izan diren albisteei emandako boto positiboak, bozketa publikazio aurretik izan bada.
-Deskartatuak, edo ez aupatuak, izan diren albisteei emandako boto positiboak. Beti ere 15 minutu pasa aurretik  botoa eman bada.
-Zure iruzkinak jasotako boto positiboak.
-Zure albisteak publikatuak izatea.

Hemen matematikak du azken hitza. Beraz, gomendio bezala hartu post hau.

Aupatu !!

 (osorik irakurri)

Albiste bat bidaltzerakoan, emandako informazioa bideo batekin osatu daitekeela uste baduzu, ez zalantzarik izan eta igo. Nahikoa izango da bideoaren jatorrizko orrialdearen URLa (nabigatzailean agertzen den helbidea) kopiatzea.

Badakizu, bideoak igo baina modu arduratsuan.

Aupatu!  (osorik irakurri)

Ez duzue irtenbiderik. Orain arte zuen nick izena zein zen bagenekien baina hemendik aurrera zuen iruditxoa ezagutuko dugu ere. Dagoeneko martxan da duela hilabete aurkeztutako perfilei atxikitutako argazkien erabilgarritasuna. Gustokoen duzuen argazkia aukeratu, beste orialdeetan erabiltzen duzuena eta Aupatu-ra igo. Horretarako, goiko eskuin aldean duzuen perfil estekan sakatu behar duzue. Bertan, izenaren ondoan editatzeko aukera dago. Hurrengo orrialde horretan ikusiko duzue argazkia igotzeko aukera.

Gainera, gaurtik aurrera titularren esteka zuzenean albistearen orrialdera joango da. Titularrak badu beraz garrantzi handiago. Kontutan izan jartzerako orduan.

Animo, gutxiago falta da bigarren fase honi bukaera emateko. Aupatu!  (osorik irakurri)

Ezin dugu ukatu gure helburutako bat, kontutan izanda gainera zuen eskakizunak zentzu horretan doazela zenbait kasutan, Aupatu ahalik eta kolore lokalena hartzea dela. Hau da, internet globala izanda, albisteak alde batetik bestera errazago joan daitezke. Baina tresna bikaina bada ere leku zehatz bateko albisteak jarraitu ahal izateko. Badakigunez zuetako batzuk nahi berezia duzuela zuen herriko albisteak bakarrik jarraitzeko, zuentzat oso interesgarria den albiste batekin gatoz gaur. Herrikako rss-ak prestatu ditugu, eta horietako jarraitzaileak bazarete leku horretan gertatutakoen berri izango duzue bakarrik. Altan emateko, adibidez portada herriaren izen ondoan dagoen irudian sakatu behar duzue.

   (osorik irakurri)

Aupaturen frogetarako bertsioa zabaldu genuenean erabitzaileei gehien gustatu zitzaizuen berriztapena, portadan agertzen diren tip laburrena da. Bertan, Aupatu berria atalean dauden albisteen titularrak agertzen dira.

Gaur, erabilgarritasun hau igo dugu eta erabilgarri dago. Bere helburua, zuzenean gertatzen ari dena ikusteko aukera izatea da. Horrela, zuen intereseko zerbait agertzen bada, bertara joan zaitezkete zuzenean. Bestela, portada mihatzen jarrai dezakezue.

   (osorik irakurri)

Seguru behin baino gehiagotan gertatu zaizula. Albiste bat bidali nahi izatea, bidalketarako botoiaren gainean sakatu eta behin barruan zaudela pentsatu "Beste norbaitek albistea bidaliko zuen?". Orain arte orrialde horretan agertzen zen eskuin aldeko manuan ez zegoen Aupatu berriena aldera joateko aukerarik, erabilgarritasun arazo bat sortuz. Gaur bertan arazo hori konpondu dugu, esteka hau gehitu diogu menu horri. Horrela, bidali aurretik, albistea Aupatun badagoen begiratzeko aukera izango da, eta ez dituzu beste aupalarien botu negatiboak jasoko.

Aupatu!  (osorik irakurri)

Geolokalizazioaren kontua liseritzeko denbora izan gabe, hemen gaude berriro ere. Lanean eta gauza berriak igotzen aupalari guztientzat. Gaur, agian mapa bezain ikusgarri eta antzemangarriak ez diren bi gauzekin gatoz. Hala ere, sistemaren erabilpenerako lagungarriak dira. Lehendabizikoa barne bilaketen kontuarekin dator. Orain arte, bilaketa bat egiterakoan, ez hanka ez buru ez zuen korapilo bateratu bat besterik ez zen emandako emaitza. Hau da, erabilgarritasunean suspentso borobila.

   (osorik irakurri)

Bere garaian, nahiko temati ibili ginen albisteak non gertatu diren jarri behar dela esanez, nongoak garen jarri gabe. Grafikoki oso adierazgarria da.

Gaurtik aurrera, albisteak geolokalizatuko ditugu. Horrela, portadan sartzerakoan gaurkotasuna non dagoen ikusi ahal izango dugu, zer gertatu den eta maparen zein puntutan. Eta dena muxu truk ;)

   (osorik irakurri)