"El Beso "(G. Klint)

Jon Berastegi:

Gaur goizean Zarautzen egon naiz, Zarautzeko Berritzegunean hain zuzen. Bertan inguruko Ikastolen zuzendariekin "Gidaritza emozionaleko ikastaroa" bideratzen ari gara. Saioa bukatzean, liburu bat gomendatu diet, Virginia Satir-en “KONTAKTU INTIMOAN”. Hurrengo lerroetan liburuan azaltzen diren pare bat idei garatuko ditut, liburu honen nondik norakoak azaldu nahian.

Virginia Satir-ek, noski emozioen munduaz hitz egiten gaitu, norberarentzako eta besteentzako emozioen hezkuntza duen garrantziaz hain zuzen.
Alde batetik, pertsona norbanakoari buruz hitz egiten duenean Kongruentzia konstruktoa azpimarratzen du. Kongruentzia, gure emozio, pentsamendu eta ekintzen arteko orekari deritzo. Hau da gure emozioei izena eman behar dizkiegu, espresatu behar ditugu, ekintzara zuzendu nahian. Eta horretarako ezinbestekoa da gure burua ezagutzea, Kontzientzia emozionala garatzea.

Beste aldetik, “Kontaktu Intimoan”, pertsona arteko komunikazioaz ere hitz egiten gaitu. Bertan, Emozioen eragina komunikazio garaian azpimarratzen du. Ildo berean, Virginia Satirrek, komunikazioa ezartzean, Zentzumenen garrantziaz hitz egiten gaitu, informazioa jasotzeko era eraginkorrena bezala jotzen baitu. Eskuak, belarriak, begiak,... denak prest egon beharko luke informazioa jasotzeko.

Hau guztia aurrera eramateko, hau da Kontaktua ezartzeko, teknika ezberdinak irakasten dizkigu, eta oso erabilgarriak eta garrantzitsuak direla esan behar nuke, nire esperientziaren aldetik erabiliak izan direlako.
Lanabes ezberdinak aipatzen dira, hauek pertsonen arteko armonia lortzeko lanabesak dira, eta hauek praktikatu egin behar dira, besteei zintzotasunez iristeko. (ahotsaren tonua, aurpegiaren isla, begirada zuzena,…)

Laburbilduz, kontaktua gure bizitzan eta bizi garen gizarte honetan ezinbestekotzat joko nuke. Kontaktuaren bitartez hezi egin gara eta hezten jarraitzen dugu, gure nortasuna finkatuz eta esperientzi berriei ateak irekiz.
Azken finean komunikazioa da gure bizitzaren motorra, eta komunikazioa emozioez beterik aurkitzen da, beraz beldurrak apurtu eta saia gaitezen besteen esperientziaz ikasten eta aberasten, hori izango baita gure bizitzan jasoko dugun oparirik politena.
“Arnasa bizirik irauteko bezain baliagarria da komunikazioa erlaziorako”

 Ez al da horrela?

"Creo que el mejor regalo que puedo recibir de alguien es que me vea, que me escuche, que me entienda y que me toque." Virginia Satir.