Jon Berastegik idatzia: 

Ikasturte honetan, hainbat ikastolatan egon naiz, baina hilabete honetan, Zumaiako institutuan 1.go mailaren garapena bukatu ostean, nire buruan ideia ezberdinak aritu ziren jolasean. Horietatik bat idazteko proposamena aurkeztu ondoren, Zumaiako irakasleek baimena eman zidaten.

Bigarren Hezkuntzako tutore batek, gure artean eginiko ariketak, jada praktikan jartzen hasi da bere ikasleekin tutoretza orduetan. Oso animatua ikusi nuenean, Hezkuntza Emozionalean dudan sinesmena areagotu egin zitzaidan.

Ikasleak ariketei emandako harrera oso positiboa izan zela komentatu zidan. Nik, hasierak beti zailagoak direla eta bere ausardia aintzat hartzen nuela komentatu nion.

Hizketa aurrera zihoan heinean nire harrotasuna areagotzen zihoan, baina guraso batekin batera saioa aurrera eraman zuela esan zidanean, hura izan zen gehien harritu ninduena. Nola, guraso batekin? Galdetu nion. Bai Zumaiako Instintua Ikas komunitatearen proiektua aurrera eramaten ari dela komentatu zidan. Beraz tutoretza orduak bi proiektuak garatzeko erabiliak izaten ari dira, hau da Hezkuntza emozionala eta Ikas komunitatearena.

Oso ekitaldi esanguratsua iruditu zitzaidan, zur eta lur utzi ninduten. Bi proiektu hauen helburuak oso parekoak izanik gomendatzen dut beste ikastolak ere ekitaldi parekoa aurrera eramateko, biak elkarbizitza sustatzea dutelako halabeharrezko helburutzat.

Azkenean Ikastola eta Komunitatea lotzea ez da hain zaila izango, ezta? Hezkuntza emozionala ez luke lau paretetan gelditu behar ezta?